2002-ci il dekabr ayının 5-i saat 22 radələrində bir qrup şəxs, mülki geyimde olaraq CAMAH Bakı temsilçisi Piruz Dilənçinin Baki şəhərindəki yaşadığı mənzilə hücum etmiş və heç bir səbəb göstərmədən zorakılıqla onu şəxsi avtomaşına mindirərək, naməlum istiqamətə aparmışlar. Hadisədən 24 saat sonra, məlum olmuşdur ki, Piruz Dilənçi Xətai rayon polis idarəsində saxlanılır. Polis idarəsindən verilən məlumatda gösterilir ki, P.Dilənçi guya maliyyə məsələləri ilə əlaqədar axtarışda olmuşdur. Halbuki Azərbaycan Respublikasının cari qanunlarına əsasən hər hansı bir şübhəli şəxs barədə rəsmi çağırış vərəqəsi olmadan, axtarış elan edilə bilməz.

P.Dilənçinin həbs edildiyi tarixdən uç gün sonra, məlum olmuşdur ki, onun izahati mustəntiqin diktəsi ilə bir neçə dəfə dəyişilmişdir. İşlə məşğul olan müstəntiq Həsənov ıqbal təmamilə qərəzli mövqe nümayiş etdirərək, P.Dilənçini həbse sürükləmişdir. Buna baxmayaraq müstəntiqin iddia etdiyi maddi zərər ve ziyan P.Dilənçinin ailəsi tərəfindən rəsmən odənilmişdir. Təəssüflər olsun ki, hal-hazırda P.Dilənçi ağır fiziki şəraitdə 3 sayli ıstintaq Təcridxanasında saxlanılır və hətta aile üzvlərinin göruşünə icazə verilmir.

Adı çəkilən müstəntiqin qəti qərəzli mövqeyini nəzərə alaraq, işin obyektiv aparılması məqsədi ilə başqa bir müstəntiqə həvalə edilməsi uyğun olardı.

Həmçinin Piruz Dilənçinin ağır radikulit ve ürək xəstəliyi, Türk dünyasındakı siyasi və ədəbi nüfuzunu, eləcə də himayəsində az yaşlı uşaq olduğunu nəzərə alaraq, məhkəmə prosesinin başlanmasına qədər, onun barəsində olan həbs qəti imkan tədbirinin zəmanətlə ev dustağı ilə dəyişilməsi barədə sərəncam verməyinizi xahiş edirik.